मैथिल यूथ परिषद् केलक अश्लील भोजपुरी और मैथिली गीत के बिरोध

दिनांक 23 सितम्बर 2012  के मैथिल यूथ परिषद् के इंडियन कॉफ़ी हाउस, कर्नाट प्लेस, नई दिल्ली में गोष्ठी भेल जाही के अदय्क्षता श्री मनोज झा (मैथिली फिल्म निर्देशक) केलैथ! गोष्ठी के सुरुवात आनंद झा मैथिल यूथ परिषद् के उदेश्य और पिछला ६ महिना में संस्थागत कोन-कोन काज भेल ताहि पर चर्चा केलैथ!

गोष्ठी के पहिल एजेंडा : आगामी दुर्गा पूजा में अशलील भोजपुरी और मैथिली गीत पर रोक कोना लागायल जा ताहि पर चर्चा भेल जाही में बहुत रास लोग अपन अपन विचार व्यक्त केलैथ!

१. दुर्गेश चन्द्र मिश्रा : कहलैथ जे निक गीत के हमेशा मैथिल यूथ परिषद् प्रोमोट करत और अश्लील गीत के विरोध!

२. सोनू मिश्रा : अश्लील गीत अपन समाज के दूषित क रहल ऐछी!

३. अनिल झा :  अश्लील गीत के रोकय के लेल यूथ के मानसिकता के बदलय परत!

४. रेनू मिश्रा : कोनो गायक या म्यूजिक कंपनी के फोर्स नई कायल जा एय के लेल सबसे निक रहत जे लोग के मानसिकता बदलल जा!

५. सुभनारायण झा : मैथिली गीत त एक- दू टा  अश्लील ऐला और आशा ऐछी जे आगू एय तरहक गीत नई आयत मुदा भोजपुरी गीत अपन मिथिलांचल के पूर्ण रूप स अपन चपेट में ल चुकल ऐछी जकर कारन ऐछी युवावर्ग के भोजपुरी अश्लील गीत बेसी पसंद ऐछी और आजुक समय में मिथिलांचल में जतेक दुर्गापूजा समिति ऐछी ओकर पदाधिकारी युवा सब छैथ और युवा सब जानी बुझी क भोजपुरी अश्लील गीत बजाबय के लेल निर्देश दय छैथ!

६. मयंक मिश्रा : सुंदर संगीत के उपलब्ध कराव बैन नहीं, अपन संस्कार डेप्लोप करू!

७. कृपानंद झा : अश्लील गीत पर बैन भेनाय अति आवश्यक ऐछी जे कलाकार निक मैथिली गीत गावैत छैथ हुनकर पोपुलर्टी u tube  पर देख सकय छि जेना कुञ्ज बिहारी आ रजनी पल्लवी और कलाकार सब छैथ!

८. सम्रेंदर झा : यदि यूथ के डिमांड अशलील गीत छै  मुदा मार्केट में उपलब्ध नई हेतै त वो यूथ अपन मानसिकता खुद बदलत!

९. अर्चना भारती : कलाकार के आहा की गलती देबय आर्केष्ट्रा में डिमांड होय छै अशलील गीत गाबय के लेल ओतय कलाकार की करतय, हमर हिसाब स कोनो गीत मार्केट में निकलय स पाहिले सेंसर बोर्ड स पास भेनाय अति आवश्यक ऐछी टखने टा अश्लील गीत पर रोक होयत!

१०. मुकेश मिश्रा : पाहिले त सब म्यूजिक कंपनी के एक टा सुचना पत्र देनाय अति आवश्यक ऐछी जे अश्लील गीत नई निकालय के लेल अपन अपन कंपनी स और जतेक अशलील जीत गाबय बला कलाकार छैथ हुनका स एक टा अनुरोध जतायल जेतैन मानता त ठीक नई त राज ठाकरे के स्टाइल में ५०-१०० यूथ के जमा क क म्यूजिक कंपनी पर सीधे धाबा करक ऐछी!

११.  मनोज झा : अश्लील गीत के मार्केट में जाये नई देबाक ऐछी एय के लेल मैथिल यूथ परिषद् आगामी दुर्गापूजा में २०००-३००० हज़ार पम्पलेट प्रिंट करवा क पूरा मिथिलांचल में लगवा देयौ!

गोष्ठी के दोसर एजेंडा : अनुष्का सामूहिक बलात्कार और मडर जे 28 जून के कूअर गाँव (जय नगर) में भेल छल जाही में अखन तक २ टा अपराधी पकरल गेल ऐछी और एक टा अखनो तक फरार ऐछी ओकर पाछु अस्थानिये नेता और प्रशासन के हाथ ऐछी! एय मुद्दा के मैथिल यूथ परिषद् बिहार के मुख्यमंत्री के लैटर देबय के लेल फेसला लेलक और संगही मीडिया में एय मुद्दा के हाईलाइट  स्थानिये नेता और प्रशासन पर सेहो दबाब बनाबय के प्रयास करत!

गोष्ठी में रामजी सिंह (अदय्क्ष बिहार प्रदेश पंचायती राज्य मंच, भाजपा) और नीलम सहनी ( बिहार प्रदेश मंत्री, भाजपा) सब उपस्थित भेलैथ और अपन अपन विचार व्यक्त केलैथ!  रामजी सिंह कहलैथ जे अनुष्का बलात्कार और मडर केस पर हम प्रशासन स बात करब जे एय केस के अखन तक अंजाम तक कियाक नई पहुचायल गेल और एय केस में कोण स्थानिये नेता के हाथ ऐछी!

कृपानंद झा जी कहलैथ जे मिथिलांचल में पुस्तकालय के निर्माण भेनाय अति आवश्यक ऐछी और मैथिल यूथ परिषद् के मुख्या उदेश्य में सेहो ऐछी पुस्तकालय के निर्माण केनाय ओही सन्दर्भ में श्री मनोज झा अपन गाँव (परजूवाइर) में एक कठा जमीन देबय के फेसला केलैथ और सोनू मिश्रा अपन गाँव (पिलखवार) में बनल पुस्तकालय भवन देबय के फेसला केलैथ!

गोष्ठी में मैथिल यूथ परिषद् में महिला प्रकोठ के अदय्क्ष रेनू मिश्रा के सर्वसहमति स बनायल गेल!  अदय्क्ष आनंद झा कहलैथ जे शिक्षक बहाली बला एजेंडा पर एय गोष्ठी में चर्चा नई कायल गेल आब अगिला गोष्ठी में कायल जायत और आजुक गोष्ठी के बिराम दैत कहला जे आगामी दुर्गापूजा में मिथिलांचल में जहा तक हम सब पहुच सकब बैनर, पोस्टर २०००-३००० हज़ार हर जगह पर लागायल जायत और जतेक दुर्गापूजा समिति ऐछी हुनका सबके पत्र के माध्यम स सुचना देल जायत जे अश्लील भोजपुरी और मैथिली गीत नई बजाबय के लेल! अनुष्का मडर केस के लेल श्री रामजी सिंह के भार देल गेल जे एय केस के आहा अपना स्तर पर जल्द स जल्द दोषी के सजा दियाव और मैथिल यूथ परिषद् एय के लेल आगनी सनिवार के साझ में ६ बजे इंडिया गेट पर केंडल मार्च करय के निर्णय लेलक!

लास्ट में कुञ्ज बिहारी आ हुनकर टीम के साथ भेलैन दुर्घटना जाही में ४ टा कलाकार मारल गेला हुनका आत्मा के सांति के लेल २ मिनट के मौन रखल गेल!! 

गोष्ठी में अदय्क्ष आनंद झा, महासचिव मुकेश  मिश्रा, कोषाअदय्क्ष बसंत झा वत्स, मंखुश झा, अभिषेक झा, मयंक मिश्रा, अनिल झा, दुर्गा नन्द कुमार, दुर्गेश चन्द्र मिश्रा, मनोज झा (मैथिली फिल्म निर्देशक), सुभनारायण झा (मैथिली फिल्म कलाकार), विनोद साजन (मैथिली कलाकार) , जोनी त्यागी (आर्टिस्ट), समरेन्द्र झा, रेनू मिश्रा, सोनू मिश्रा, राम चन्द्र झा, कृपानंद झा, अंचल भारती (मैथिली गायिका), अशिस कुमार झा, रामजी सिंह (अदय्क्ष बिहार प्रदेश पंचायती राज्य मंच, भाजपा), नीलम सिंह (बिहार प्रदेश मंत्री, भाजपा)  और बहुत रास लोग उपस्थित भेला!!

जय मिथिला जय मैथिली

हमर एकता हमर प्रगति